លោកជំទាវ ជា សិរី គឺជាអគ្គនាយកបច្ចេក​ទេស ធនាគារជាតិនៃកម្ពុជា ទទួលបន្ទុកលើនាយកដ្ឋាន​ស្រាវជ្រាវសេដ្ឋកិច្ច និងសហប្រតិបត្តិការ​អន្តរជាតិ, នាយកដ្ឋាន​ប្រព័ន្ធទូទាត់ និងគ្រប់គ្រង​ថវិការបំរ៉ុង​អន្តរជាតិ, នាយកដ្ឋាន​ស្ថិតិ និងនាយកដ្ឋានប្រតិបត្តិការ​ធនាគារ ចាប់តាំង​ពីឆ្នាំ ២០១៣។ មុនពេលបំរើការងារ​ក្នុងតួនាទី​បច្ចុប្បន្ន លោកជំទាវគឺជា​អគ្គនាយករង​ត្រួតពិនិត្យ។ លោកជំទាវ បានចូល​បំរើការងារ​​នៅធនាគារជាតិ​នៃកម្ពុជា​​ក្នុងឆ្នាំ ១៩៩៩ និងបានបំរើការងារ​ក្នុង​តួនាទី​ផ្សេងៗដើម្បីធ្វើការ​ត្រួត​ពិនិត្យ​​ទៅលើធនាគារ និងគ្រឹះស្ថានមីក្រូហិរញ្ញវត្ថុ និងបទបញ្ញត្តផ្សេងៗ។ លោកជំទាវ​គឺជាសមា​ជិក​​របស់​គណៈកម្មាធិការ​​ជាតិ​​ក្នុងការជំរុញ​ការអនុវត្ត​គោល​នយោបាយ​​ផ្សេងៗ ដោយរួមមាន​គណៈកម្មាធិការ​គោល​នយោបាយ​រូបិយវត្ថុ គណៈកម្មាធិការ​វិនិយោគ គណៈកម្មាធិការ​​ស្ថេរភាពហិរញ្ញវត្ថុ និងគណៈកម្មាធិការ​​ពិគ្រោះយោបល់​​ត្រួតពិនិត្យ​ស្ថាប័ន​ធនាគារ។ លើសពីនេះ លោកជំទាវ ជា សិរី គឺជាសមាជិកក្រុម​ការងារ​បច្ចេក​ទេស​រៀប​ចំយុទ្ធសាស្រ្តអភិវឌ្ឍវិស័យ​​ហិរញ្ញវត្ថុ​នៅ​កម្ពុជា​ឆ្នាំ ២០១១-២០២០, សមាជិក​អនុគណៈ​​កម្មាធិការ​​លើកកម្ពស់​​ការសម្រប​​សំរួល​អាជីវកម្ម និងផ្នែកពាក់​ព័ន្ធ​នៃ​ការ​វិនិយោគ និងជាសមាជិក​អនុគណៈកម្មាធិការជាតិររៀបចំ SME។

លោកជំទាវ សិរី បានទទួលសញ្ញាបត្រ​អនុបណ្ឌិត ផ្នែកធនាគារ ពីសាកលវិទ្យាល័យ University of London នៅសហរដ្ឋអាមេរិក, សញ្ញាបត្រជាន់ខ្ពស់​ផ្នែកពាណិជ្ជកម្ម និងរដ្ឋបាល​ពីសកល​វិទ្យាល័យ University of Sydney ប្រទេសអូស្ត្រាលី, សញ្ញាបត្រផ្នែកហិរញ្ញវត្ថុ និងគណនីពីសាកលវិទ្យាល័យ Victoria University of Wellington ប្រទេសនូវែល​សេឡង់ និង​សញ្ញា​បត្របរិញ្ញា​ប័ត្រផ្នែក​វិទ្យាសាស្ត្រពី Academie de Montpelier ប្រទេសបារាំង។ លោកជំទាវ អាចនិយាយ​ភាសាបារាំង និងអង់គ្លេស យ៉ាងស្ទាត់ជំនាញ និងចេះភាសាអាល្លឺម៉ង់ ថៃ ចិន បន្ថែមលើភាសាខ្មែរ ដែល​ជាភាសា​កំណើត​ផងដែរ។

លោក បូរាណ ថ្នាក់ដឹកនាំជាន់ខ្ពស់ ដែលមាន​បទ​ពិសោធន៍ជាច្រើន​ក្នុងការដឹក​នាំ​គ្រឹះស្ថាន​មីក្រូហិរញ្ញវត្ថុ។ បច្ចុប្បន្ន​លោកកំពុងបំរើការងារក្នុងតួនាទីជាប្រធាននាយកប្រតិបត្តិនៅ អេ អឹម ខេ ដែលជា​គ្រឹះស្ថាន​មីក្រូហិរញ្ញវត្ថុ​ជាប់ចំណាប់​ថ្នាក់ទី១ ដែលមានអតិថិជន​ច្រើនបំផុត​ក្នុងប្រទេសកម្ពុជា។

លោកបាន​ចូលបម្រើការនៅ អេ អឹម ខេ អស់រយៈពេលជាង១០ ឆ្នាំមកហើយ ចាប់តាំងពីឆ្នាំ ២០០៤ មក ដោយលោកបានកាន់​តំណែងថ្នាក់ដឹកនាំជាច្រើន ដើម្បីចូលរួម​អភិវឌ្ឈគ្រឹះស្ថាន​ដូចជា ប្រធានផ្នែកហិរញ្ញវត្ថុ នាយក​ប្រតិបត្តិហិ​រញ្ញវត្ថុ (CFO) អនុប្រធាន​នាយក​ប្រតិបត្តិ។ មុនពេលដែលលោក​ចូលរួម ជាមួយ អេ អឹម ខេ លោកបាន​បំរើការងារ​នៅ World Relief Cambodia / CREDIT ក្នុងនាមជា​នាយកហិរញ្ញវត្ថុ។

លោក បូរាណ បានបញ្ចប់ការសិក្សាថ្នាក់​បរិញ្ញាបត្រ​គណនេយ្យ និងហិរញ្ញវត្ថុ ព្រមទាំងទទួលបាន​ ACCA ជាផ្លូវការ និងត្រូវបាន​គេទទួលយក​ជាសមាជិក ACCA ក្នុងឆ្នាំ​២០០៨ ផងដែរ។

លោក Shahid CHARANIA ជានាយកគ្រប់គ្រងទីផ្សារដែលទើបកកើតឡើងថ្មីរបស់ Equifax Inc ។ លោកត្រូវបានតែងតាំងក្នុងមុខតំណែងនេះនៅក្នុង ខែកក្កដា ឆ្នាំ ២០០៨ ហើយ លោកបានខិតខំប្រឹងប្រែង​ដឹកនាំ​ក្រុមហ៊ុន​ក្នុងការពង្រីកទីផ្សារដែលទើបកកើតថ្មី នៅក្នុងប្រទេស រុស្ស៊ី ចិន ឥណ្ឌា ឥណ្ឌូនេស៊ី ទួរគី និងទីផ្សារស្រដៀងគ្នាផ្សេងទៀត។ ។ លោកទទួល​ខុសត្រូវ​ក្នុងការបង្កើត​ទិសដៅ​យុទ្ធសាស្រ្តស​ម្រាប់ការពង្រីក​វិស័យទាំងនេះ​សម្រាប់ការកសាង និងរក្សាបាននូវទំនាក់ទំនងសមស្រប​នៅក្នុងទីផ្សារទាំងនេះ និងសម្រាប់ប្រតិបត្តិការអាជីវកម្មរបស់ Equifax នៅតាមបណ្តា ប្រទេសទាំងនេះផងដែរ។

លោក Shahid មានបទពិសោធន៍ជាង ២៣ ឆ្នាំក្នុងប្រតិបត្ដិការ និងការអភិវឌ្ឍអាជីវកម្ម។ លោកបានកាន់មុខតំណែង​នៅក្នុងក្រុមហ៊ុនផ្សេងៗ ដែលគ្រប់គ្រង និងត្រួតពិនិត្យការងារ​ជាច្រើនផ្សេងគ្នា។ លោក​ក៏កាន់តំណែង​ជាក្រុមប្រឹក្សាភិបាល​នៅក្នុងក្រុមហ៊ុនដូចជា Fidelity, E-fund, Equifax Russia និង Fortune BPO ។ មុនពេលចូលរួមជាមួយ Equifax លោកបានកាន់តំណែងជាថ្នាក់ដឹកនាំនៅ Fidelity National Information Services។ លោក Shahid ទទួលបានបរិញ្ញាបត្រវិទ្យា​សាស្ត្រប្រព័ន្ធព័ត៌មានវិទ្យា។

លោក វីលៀម លីម គឺជានាយកប្រតិបត្តិនៃការិយាល័យឥណទាន សិង្ហបុរី (CBS)។ លោកគឺជាផ្នែកមួយនៃក្រុមការងារស្នូលដែលបានបង្កើត CBS ហើយបានគ្រប់គ្រង CBS ចាប់តាំងពីការចាប់ផ្តើមប្រតិបត្តិការនៅឆ្នាំ ២០០២។

លោកបានដឹកនាំគំនិតផ្តួចផ្តើមបង្កើតការិយាល័យឥណទាននៅក្នុងតំបន់អាស៊ានហើយទទួលបានអាជ្ញាប័ណ្ណដោយជោគជ័យដើម្បីប្រតិបត្តិការការិយាល័យឥណទាននៅក្នុងប្រទេសសិង្ហបុរី ម៉ាឡេស៊ី កម្ពុជា មីយ៉ាន់ម៉ា និងឥណ្ឌូនេស៊ី។

លោកមានតួនាទីជាក្រុមប្រឹក្សាភិបាលរបស់ការិយាល័យឥណទានសឹង្ហបុរី, ក្រុមហ៊ុន Dun & Bradstreet Singapore, ក្រុមហ៊ុន Dun & Bradstreet Malaysia (D&B), ក្រុមហ៊ុន Infocredit Holdings, ការិយាល័យឥណទានកម្ពុជា, និងការិយាល័យឥណទានមីយ៉ាន់ម៉ា។

បន្ថែមលើតួនាទីខាងលើនេះ លោក វីលៀម ក៏បានបម្រើការជាក្រុមប្រឹក្សាភិបាលនៃសមាគមផែនការហិរញ្ញវត្ថុនៃប្រទេសសឹង្ហបូរី និង ជាសមាជិកក្រុមប្រឹក្សាភិបាលនៃសមាគម Business Information Industry Association (BIIA)។ លោកក៏ជាសមាជិកពេញសិទ្ធិនៃក្លឹប Rotary Club ទីក្រុង Suntec City.
តាមរយៈការហ្វឹកហ្វឺនជាមេធាវីម្នាក់ លោកបានបញ្ចប់កាសិក្សាពីសាកលវិទ្យាល័យច្បាប់ និងធ្លាប់បានបម្រើការងារជាមួយក្រុមហ៊ុនសេវាកម្មច្បាប់សិង្ហបុរី ក្នុងតួនាទីជាអនុប្រធានការិយាល័យរដ្ឋបាលចៅក្រម និងជាចៅក្រមប្រចាំស្រុកមុនពេលចាកចេញទៅបំរើការងារឯកជន។ ក្នុងតួនាទីរាជការ លោកបានអនុវត្តតាមនីតិវិធី ច្បាប់សាជីវកម្ម ច្បាប់នៃទ្រព្យសម្បត្តិ និងច្បាប់ព្រហ្មទណ្ឌ។ លោកបានចាកចេញពីការងារអនុវត្តច្បាប់ ដើម្បីចូលរួមជាមួយក្រុមហ៊ុន Infocredit ក្នុងឆ្នាំ 1999 ។

ឯកឧត្តម សុក ស៊ីផាន់ណា ជាមេធាវី និងជានាយកនៅក្រុមហ៊ុន SokSiphana&associates ដែលជាក្រុមហ៊ុនប្រឹក្សាយោបល់មានជំនាញខាងផ្នែកពាណិជ្ជកម្មអន្តរជាតិ និងច្បាប់សាជីវកម្មនៅរាជធានីភ្នំពេញ។

ឯកឧត្តម សុក ស៊ីផាន់ណា មានបទពិសោធន៍ និងការយល់ដឹងជាច្រើនទាក់ទងនឹងការអភិវឌ្ឍប្រព័ន្ធច្បាប់នៅកម្ពុជា បរិយាកាសអាជីវកម្ម និងចំណេះដឹងនៃការវិវត្តន៍ច្បាប់ពាណិជ្ជកម្មនិងវិនិយោគនៅកម្ពុជា។ ការងារជាច្រើនរបស់លោកក្នុងបទពិសោធន៍ជាអតីតរដ្ឋលេខាធិការក្រសួងពាណិជ្ជកម្ម (អនុរដ្ឋមន្ត្រី) របស់រដ្ឋាភិបាលកម្ពុជា ដែលលោកបានធ្វើការយ៉ាងទូលំទូលាយលើបញ្ហាទាក់ទងនឹងក្របខ័ណ្ឌច្បាប់ពាណិជ្ជកម្ម និងវិនិយោគ ការជំរុញពាណិជ្ជកម្ម គោលនយោបាយពាណិជ្ជកម្ម ការអភិវឌ្ឍពាណិជ្ជកម្ម និងការធ្វើសមាហរណកម្មសេដ្ឋកិច្ច បានផ្តល់ឱ្យលោកនូវទស្សនៈរួមលើតម្រូវការម៉ាក្រូ និងមីក្រូហិរញ្ញវត្ថុរបស់ក្រុមហ៊ុន និងវិនិយោគិនបរទេស។ សម្រាប់ការងារការបង្កើតគោលនយោបាយ និងបញ្ជ្រាបគោលនយោបាយ លោកបានទទួលខុសត្រូវក្នុងការដឹកនាំក្រុមការងារភ្នាក់ងារចំរុះ ដើម្បីរៀបចំផែនការសកម្មភាពផ្សេងៗ (រួមមានរបៀបវារៈនីតិបញ្ញត្តិ និងនីតិបញ្ញត្តិជាតិ) និងដើម្បីចរចាដោយជោគជ័យនូវការចូលជាសមាជិកភាពរបស់ប្រទេសកម្ពុជាក្នុងអង្គការពាណិជ្ជកម្មពិភពលោក (WTO)។ លោកក៏បានចូលរួមក្នុងការផ្តួចផ្តើមបង្កើតនៃវិធីសាស្ត្រផ្នែកពាណិជ្ជកម្ម Sector Wide Approach (SWAp) មុនដំបូងសម្រាប់ប្រទេសកម្ពុជា។

លោកបានទទួលសញ្ញាបត្រវេជ្ជបណ្ឌិតពីសាកលវិទ្យាល័យ Widener University នៃសាលាច្បាប់ School of Law in Delaware សហរដ្ឋអាមេរិក និងបណ្ឌិតផ្នែកទស្សនវិជ្ជាពីសាកលវិទ្យាល័យ Bond University នៃសាលាច្បាប់ School of Law in Queensland ប្រទេសអូស្ត្រាលី។