ក្រុមប្រឹក្សាភិបាល
ក្រុមប្រឹក្សាភិបាល
សូមចុចលើរូបភាពខាងក្រោម ដើម្បីមើលជីវប្រវត្តិសង្ខេបៈ
លោកជំទាវបណ្ឌិត ជា សិរី
ប្រធានក្រុមប្រឹក្សាភិបាល
លោកជំទាវបណ្ឌិត ជា សិរី
ប្រធានក្រុមប្រឹក្សាភិបាលលោកជំទាវបណ្ឌិត ជា សិរី គឺជាអគ្គទេសាភិបាលរងធនាគារជាតិ នៃកម្ពុជា។ ដោយពិនិត្យឃើញថា ប្រទេសកម្ពុជាមានកម្រិតដុល្លារូបនីយកម្មខ្ពស់ លោកជំទាវបណ្ឌិត ក្នុងនាមជាថ្នាក់ដឹកនាំមួយរូបនៃធនាគារកណ្តាលបានចូលរួមគាំទ្រយ៉ាងមោះមុតក្នុងសកម្មភាព ជម្រុញការប្រើប្រាស់ប្រាក់រៀល ដើម្បីលើកកម្ពស់ឯករាជ្យភាពសេដ្ឋកិច្ចនិងគោលនយោបាយរូបិយវត្ថុនៅកម្ពុជា។ ក្រោមការដឹកនាំដ៏ឈ្លាសវៃរបស់ លោកជំទាវបណ្ឌិត នវានុត្តន៍លើឧបករណ៍គោលនយោបាយជាច្រើន ត្រូវបានបង្កើតឡើង ដើម្បីអភិវឌ្ឍទីផ្សារអន្តរធនាគារ និងការលើកកម្ពស់ការប្រើប្រាស់ រូបិយវត្ថុជាតិ។ លោកជំទាវបណ្ឌិត ក៏ជាសមាជិកក្នុងគណៈ កម្មាធិការជាច្រើនដែលដើរតួនាទីយ៉ាងសំខាន់ក្នុងការ ជម្រុញការអនុវត្តគោល នយោបាយនៅក្នុងវិស័យធនាគារ និងនៅកម្រិតថ្នាក់ជាតិផងដែរ។
ក្នុងនាមជាប្រធាននៃគណៈកម្មាធិការប្រតិបត្តិការផាត់ទាត់ជាតិ លោកជំទាវបណ្ឌិត បានដឹកនាំ គម្រោង “បាគង” ដែលជាគំនិតផ្តួចផ្តើមរបស់ធនាគារជាតិនៃកម្ពុជា ក្នុងការដាក់ឱ្យប្រើប្រាស់នូវ ប្រព័ន្ធទូទាត់ប្រាក់បែបទំនើបថ្មីមួយដែលប្រើប្រាស់នូវបច្ចេក វិទ្យាប្លុកឆែន (Blockchain)។ លោកជំទាវបណ្ឌិត ត្រូវបានជ្រើសរើសជាសមាជិកនៃអ្នកដឹកនាំវ័យក្មេងសាកលលោកមួយរូបប្រចាំ ឆ្នាំ២០១៩ នៃវេទិកាសេដ្ឋកិច្ចពិភពលោក (WEF)។ លើសពីនេះទៀត លោកជំទាវបណ្ឌិត ជាសមាជិក នៃសម្ព័ន្ធអភិបាល កិច្ចរូបិយប័ណ្ណឌីជីថល និងជាគណៈកម្មាធិការប្រឹក្សាផ្តល់យោបល់នៃការទូទាត់តាមប្រព័ន្ធឌីជីថលសម្រាប់គម្រោងធុរកិច្ច និងពាណិជ្ជកម្ម។
លោកជំទាវបណ្ឌិត ជា សិរី ធ្លាប់ជានិសិ្សតជាន់ខ្ពស់នៅសាលាគោលនយោបាយសាធារណៈ លី ក្វាន់យូ និងទទួលបានសញ្ញាប័ត្រថ្នាក់បណ្ឌិត នៅសាកលវិទ្យាល័យ Adelaide ប្រទេសអូស្តាលីផងដែរ។
លោក គា បូរាណ
អភិបាល
លោក គា បូរាណ
អភិបាលលោក គា បូរាណ ជាថ្នាក់ដឹកនាំជាន់ខ្ពស់ ដែលមានបទពិសោធន៍ជាច្រើនក្នុងការដឹកនាំគ្រឹះស្ថានមីក្រូហិរញ្ញវត្ថុ។ បច្ចុប្បន្ន លោកកំពុងបម្រើការងារក្នុងតួនាទី ជាប្រធាននាយកប្រតិបត្តិ នៅគ្រឹះស្ថានមីក្រូហិរញ្ញវត្ថុ អេ អឹម ខេ ដែលជាគ្រឹះស្ថានមីក្រូហិរញ្ញវត្ថុ ជាប់ចំណាប់ថ្នាក់ទី១ ដែលមានអតិថិជនច្រើនបំផុតក្នុងប្រទេសកម្ពុជា។ មិនតែប៉ុណ្ណោះ លោកក៏មានមុខងារជា អភិបាលនៅក្នុងស្ថាប័នជាច្រើនរួមមានសមាជិកប្រធានក្រុមប្រឹក្សាភិបាល នៃសមាគមមីក្រូហិរញ្ញវត្ថុកម្ពុជា សមាជិកនៃក្រុមប្រឹក្សា នៃសមាគមធនាគារនៅកម្ពុជា អភិបាលនៃក្រុមហ៊ុន ក្រេឌីត ប្យួរ៉ូ ហូលឌីង អភិបាលនៃសមាគមសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា និងអភិបាលនៃវិទ្យាស្ថានធនាគារ និងហរិញ្ញវត្ថុ។
លោកបានចូលបម្រើការនៅ អេ អឹម ខេ អស់រយៈពេលជិត២០ឆ្នាំមកហើយ ចាប់តាំងពីឆ្នាំ២០០៤មក ដោយលោកបានកាន់តំណែងជាថ្នាក់ដឹកនាំជាច្រើន ដើម្បីចូលរួមអភិវឌ្ឍគ្រឹះស្ថាន រួមមានជាប្រធានផ្នែកហិរញ្ញវត្ថុ នាយកប្រតិបត្តិហិរញ្ញវត្ថុ និងជាអនុប្រធាននាយកប្រតិបត្តិ។ មុនពេលដែលលោកចូលរួមជាមួយគ្រឹះស្ថានមីក្រូហិរញ្ញវត្ថុ អេ អឹម ខេ លោកបានបម្រើការងារនៅគ្រឹះស្ថានមីក្រូហិរញ្ញវត្ថុឈានមុខមួយក្នុងតួនាទីជានាយកហិរញ្ញវត្ថុ។
លោក គា បូរាណ បានបញ្ចប់បរិញ្ញបត្រគ្រប់គ្រងពាណិជ្ជកម្ម ផ្នែកហិរញ្ញវត្ថុ និងគណនេយ្យ និងទទួលបានសញ្ញាបត្រ ACCA (Association of Chartered Certified Accountants) ។ លោកបានក្លាយជាសមាជិករបស់ ACCA តាំងពីឆ្នាំ ២០០៨ មកម្ល៉េះ។
លោក Raymond Sia Say Guan
អភិបាល
លោក Raymond Sia Say Guan
អភិបាលលោក Raymond SIA បច្ចុប្បន្ន មានតួនាទីជាប្រធានប្រតិបត្តិ និងនាយកប្រតិបត្តិនៃធនាគារកាណាឌីយ៉ា ក.អ.។ លោក ក៏ជាប្រធានក្រុមប្រឹក្សាភិបាលរបស់សមាគមនធនាគារនៅកម្ពុជាផងដែរ មុនពេលចូលបម្រើការក្នុងធនាគារ កាណាឌីយ៉ា ក.អ.។ លោក Raymond SIA បានបម្រើការក្នុងតួនាទីគ្រប់គ្រង និងដឹកនាំជាន់ខ្ពស់ជាច្រើនជាមួយ និងធនាគារក្នុងស្រុក និងធនាគារអន្តរជាតិ នៅប្រទេសម៉ាឡេស៊ី និងប្រទេសវៀតណាម ដែលក្នុងនោះរួមមាន ធនាគារសាធារណៈ ធនាគារ Standard Chartered (ប្រទេសម៉ាឡេស៊ី និងប្រទេសវៀតណាម) និងធនាគារ Hong Leong នៅប្រទេសវៀតណាម ដែលលោកជាប្រធានប្រតិបត្តិ/អគ្គនាយក។ លោកក៏បានចំណាយពេលចំនួន ៤ឆ្នាំនៅក្រុមហ៊ុន Usaha Tegas Sdn Bhd ដែលជាក្រុមហ៊ុនវិនិយោគធំជាងគេនៅក្នុងប្រទេសម៉ាឡេស៊ី ដែលធ្វើការវិនិយោគនៅក្នុងក្រុមហ៊ុនទូរគមនាគមន៍ ប្រព័ន្ធផ្សព្វផ្សាយ អចលនទ្រព្យ និងប្រេង និងហ្គាស។
លោក Raymond SIA បានចាប់ផ្តើមអាជីពក្នុងវិស័យធនាគារ ជាអ្នកហាត់ការបន្ទាប់ពីបញ្ចប់ការសិក្សាជាមួយធនាគារសាធារណៈនៅប្រទេសម៉ាឡេស៊ី ដែលគាត់បានចំណាយពេល ១១ឆ្នាំ ក្នុងតួនាទីផ្សេងៗគ្នា ដូចជាប្រធានផ្នែកភាគហ៊ុន និងទីផ្សារមូលធន និងជាប្រធានដំណើរការឥណទាន។ នៅធនាគារ Standard Chartered លោក Raymond SIA មានតួនាទីដឹកនាំផ្សេងៗ ចាប់ពីនាយកសាជីវកម្មក្នុងស្រុក រហូតដល់ប្រធានក្រុមហ៊ុនសាជីវកម្មសាកល ដោយមុខតំណែងចុងក្រោយរបស់លោក គឺជាប្រធានធនាគារខ្នាតតូចនិងមធ្យម និងជា នាយកទូទៅ/នាយកប្រតិបត្តិនៃសាខាហាណូយ ។
លោក Raymond SIA បានបញ្ចប់ថ្នាក់បរិញ្ញបត្រផ្នែកអាជីវកម្ម ពីសាកលវិទ្យាល័យ Monash នៅប្រទេសអូស្រ្តាលី។ លោកមានបទពិសោធន៍ជាង ២៨ឆ្នាំ ក្នុងតួនាទីជាថ្នាក់ដឹកនាំជាន់ខ្ពស់ជាច្រើន ក្នុងវិស័យធនាគារ រតនាគារ និងសេវាកម្មហិរញ្ញវត្ថុ នៅប្រទេសកម្ពុជា ម៉ាឡេស៊ី និងវៀតណាម។
លោក សឹង ភន
អភិបាល
លោក សឹង ភន
អភិបាលលោក សឹង ភន ជាអ្នកគ្រប់គ្រងជាន់ខ្ពស់ ជានាយកប្រតិបត្តិឥណទាន និងជាប្រធានគណៈកម្មាធិការឥណទានកម្រិតប្រតិបត្តិនៃធនាគារ អេស៊ីលីដា ភីអិលស៊ី។ លោកក៏ជាសមាជិក ក្រុមប្រឹក្សាភិបាលនៃគណៈកម្មាធិការគ្រប់គ្រងហានិភ័យ និងបច្ចេកវិទ្យាព័ត៌មាន និងគណៈកម្មាធិការសវនកម្ម នៅធនាគារ អេស៊ីលីដា ក្នុងប្រទេសឡាវ។
លោក សឹង ភន បានបម្រើការងារនៅក្នុងធនាគារ អេស៊ីលីដា ភីអិលស៊ី អស់រយៈពេលជាង ២៥ឆ្នាំ តាំងពីឆ្នាំ១៩៩៨មកម្ល៉េះ ជាមួយ នឹងតួនាទីដឹកនាំជាច្រើន លើកិច្ចការសវកម្ម ឥណទាន និងហិរញ្ញប្បទានពាណិជ្ជកម្ម ដូចជា ជានាយកប្រតិបត្តិរងឥណទាន ជានាយកប្រតិបត្តិរងសេវាឥណទាន និងហិរញ្ញប្បទានពាណិជ្ជកម្ម ជាប្រធានសវនកម្មផ្ទៃក្នុង ជាប្រធានការិយាល័យ ជានាយកនាយកដ្ឋានឥណទាន និងជាទីប្រឹក្សាឥណទានរបស់អេស៊ីលីដា ក្នុងប្រទេសមីយ៉ាម៉ា និងជាទីប្រឹក្សាឥណទានរបស់ធនាគារ អេស៊ីលីដានៅក្នុងប្រទេសឡាវ។
លោក សឹង ភន បានទទួលបរិញ្ញបត្រគ្រប់គ្រងពាណិជ្ជកម្ម ផ្នែកគណនេយ្យ និងសញ្ញាបត្រអនុបណ្ឌិត ផ្នែកគ្រប់គ្រងពាណិជ្ជកម្ម។
លោក CHARANIA Shahid
អភិបាល
លោក CHARANIA Shahid
អភិបាលលោក Shahid CHARANIA ជានាយកគ្រប់គ្រងទីផ្សារកំពុងអភិវឌ្ឍ ប្រចាំនៅក្រុមហ៊ុន Equifax Inc. ដែលលោកបានមកកាន់មុខតំណែងនេះនៅក្នុង ខែកក្កដា ឆ្នាំ២០០៨ហើយ លោកបានខិតខំប្រឹងប្រែងដឹកនាំក្រុមហ៊ុនក្នុងការពង្រីកទីផ្សារដែលកំពុងអភិវឌ្ឍ នៅក្នុងប្រទេស រុស្ស៊ី ចិន ឥណ្ឌា ឥណ្ឌូនេស៊ី ទួរគី និងទីផ្សារស្រដៀងគ្នាផ្សេងទៀត។ លោកទទួលខុសត្រូវក្នុងការបង្កើតទិសដៅយុទ្ធសាស្រ្ត ក្នុងការពង្រីកវិស័យទាំងនេះ និងទទួលខុសត្រូវក្នុងការកសាង និងរក្សាបាននូវទំនាក់ទំនងសមស្របនៅក្នុងទីផ្សារទាំងនេះ ហើយនិងការប្រតិបត្តិការអាជីវកម្មរបស់ Equifax នៅតាមបណ្តាប្រទេសទាំងនេះផងដែរ ។
លោក Shahid CHARANIA មានបទពិសោធន៍ជាង ២៥ឆ្នាំ ក្នុងប្រតិបត្ដិការ និងការអភិវឌ្ឍអាជីវកម្ម ដែលលោកបានកាន់មុខតំណែងជាច្រើននៅក្នុង ក្រុមហ៊ុនផ្សេងៗ នៅបណ្ដាប្រទេសមួយចំនួន និងការត្រួតពិនិត្យការងារជាច្រើនផ្សេងគ្នា។ លោកក៏កាន់តំណែងជា ក្រុមប្រឹក្សាភិបាលនៅក្នុងក្រុមហ៊ុនជាច្រើន ដូចជា Fidelity E-fund Equifax Russia និង Fortune BPO។ មុនពេលចូលរួមជាមួយ Equifax លោកបានកាន់ តំណែងជាថ្នាក់ដឹកនាំជា National Information Services នៃក្រុមហ៊ុន Fidelity។
លោក Shahid CHARANIA ទទួលបានបរិញ្ញាបត្រវិទ្យាសាស្ត្រប្រព័ន្ធព័ត៌មានវិទ្យា។
លោក LIM William
អភិបាល
លោក LIM William
អភិបាលលោក LIM William គឺជានាយកប្រតិបត្តិនៃ ការិយាល័យឥណទានសឹង្ហបុរី (CBS) និងក្រុមហ៊ុន Credit Bureau Asia Limited។ លោកគឺជាផ្នែកមួយនៃក្រុមការងារដែលបានបង្កើត ក្រុមហ៊ុនCBS ហើយបានគ្រប់គ្រង ចាប់តាំងពីការចាប់ផ្តើមប្រតិបត្តិការនៅឆ្នាំ ២០០២។
លោកបាន ដឹកនាំគំនិតផ្តួចផ្តើមបង្កើត ការិយាល័យឥណទាន នៅក្នុងតំបន់អាស៊ាន ហើយទទួលបានអាជ្ញាប័ណ្ណ និងការអនុម័តដោយជោគជ័យ ដើម្បីប្រតិបត្តិការ ការិយាល័យឥណទាននៅក្នុងប្រទេសសឹង្ហបុរី ម៉ាឡេស៊ី កម្ពុជា មីយ៉ាន់ម៉ា និងឥណ្ឌូនេស៊ី។
លោកក៏មានតួនាទីជា ក្រុមប្រឹក្សាភិបាលរបស់ ការិយាល័យឥណទានសឹង្ហបុរី ក្រុមហ៊ុន Dun & Bradstreet Singapore ក្រុមហ៊ុន Dun & Bradstreet Malaysia ក្រុមហ៊ុន Infocredit Holdings ក្រុមហ៊ុនក្រេឌីត ប្យួរ៉ូ ខេមបូឌា ការិយាល័យឥណទានមីយ៉ាន់ម៉ា និងក្រុមហ៊ុន Credit Bureau Asia Limited។ លោក William LIM ក៏បម្រើការងារជាក្រុមប្រឹក្សាភិបាលផ្ដល់យោបល់នៃសមាគមផែនការហិរញ្ញវត្ថុនៃប្រទេសសឹង្ហបុរីផងដែរ។
តាមរយៈការហ្វឹកហ្វឺនជាមេធាវីម្នាក់ លោកធ្លាប់បានបម្រើការងារជាមួយសេវាកម្មច្បាប់សឹង្ហបុរី ក្នុងតួនាទីជាអនុប្រធានការិយាល័យរដ្ឋបាលចៅក្រម និងជាចៅក្រុមថ្នាក់តំបន់ មុនពេលលោកចាកចេញទៅបម្រើការងារឯកជន។ ក្នុងតួនាទីរាជការ លោកបានអនុវត្តតាមនីតិវិធីច្បាប់សាជីវកម្ម ច្បាប់នៃទ្រព្យសម្បត្តិ និងច្បាប់ព្រហ្មទណ្ឌ។ លោកបានចាកចេញពីការងារអនុវត្តច្បាប់ ដើម្បីចូលរួមជាមួយក្រុមហ៊ុនឯកជនក្នុងឆ្នាំ ១៩៩៩។
ឯកឧត្តម សុខ ស៊ីផាន់ណា
អភិបាលឯករាជ្យ
ឯកឧត្តម សុខ ស៊ីផាន់ណា
អភិបាលឯករាជ្យឯកឧត្តម សុក ស៊ីផាន់ណា ជាមេធាវី និងជានាយកនៅក្រុមហ៊ុន SokSiphana & Associates ដែលជាក្រុមហ៊ុនប្រឹក្សាយោបល់ នៅរាជធានីភ្នំពេញ ដែលមានជំនាញខាងផ្នែកពាណិជ្ជកម្មអន្តរជាតិ និងច្បាប់សាជីវកម្ម។
ឯកឧត្តម សុក ស៊ីផាន់ណា មានបទពិសោធន៍ និងការយល់ដឹងជាច្រើនទាក់ទងនឹងការអភិវឌ្ឍប្រព័ន្ធច្បាប់នៅកម្ពុជា បរិយាកាសអាជីវកម្ម និងចំណេះដឹងនៃការវិវត្តច្បាប់ពាណិជ្ជកម្ម និងវិនិយោគនៅកម្ពុជា។ ការងារជាច្រើនរបស់ឯកឧត្តម ក្នុងបទពិសោធន៍ជាអតីតរដ្ឋលេខាធិការ ក្រសួងពាណិជ្ជកម្ម (អនុរដ្ឋមន្ត្រី) របស់រដ្ឋាភិបាលកម្ពុជា ដែលឯកឧត្តម បានធ្វើការយ៉ាងទូលំទូលាយលើបញ្ហាទាក់ទងនឹងក្របខ័ណ្ឌច្បាប់ពាណិជ្ជកម្ម និងវិនិយោគការជំរុញពាណិជ្ជកម្ម គោល នយោបាយពាណិជ្ជកម្ម ការអភិវឌ្ឍពាណិជ្ជកម្ម និងការធ្វើសមាហរណកម្មសេដ្ឋកិច្ច ដែលបទពិសោធន៍ទាំងនេះបានផ្តល់ឱ្យឯកឧត្តមនូវទស្សនៈរួមលើតម្រូវការម៉ាក្រូ និងមីក្រូហិរញ្ញវត្ថុរបស់ពាណិជ្ជកម្ម និងវិនិយោគិនបរទេស។ សម្រាប់ការងារ ការបង្កើតគោលនយោបាយ និងបញ្ជ្រាបគោលនយោបាយ ឯកឧត្តម បានទទួលខុសត្រូវក្នុង ការដឹកនាំក្រុមការងារភ្នាក់ងារចម្រុះ ដើម្បីរៀបចំផែនការសកម្មភាពផ្សេងៗ (រួមមានរបៀបវារៈនីតិបញ្ញត្តិ និងនីតិបញ្ញត្តិថ្នាក់ជាតិ) និងបានចរចាដោយជោគជ័យនូវ ការចូលជាសមាជិកភាពរបស់ប្រទេសកម្ពុជាទៅក្នុង អង្គការពាណិជ្ជកម្មពិភពលោក (WTO)។ ឯកឧត្តម ក៏បានចូលរួមក្នុងការផ្តួចផ្តើមបង្កើតនៃវិធីសាស្ត្រផ្នែកពាណិជ្ជកម្ម Sector Wide Approach (SWAP) មុនដំបូងសម្រាប់ប្រទេសកម្ពុជា។
ឯកឧត្តម សុក ស៊ីផាន់ណា ទទួលបានសញ្ញាបត្របណ្ឌិតពី Widener University នៃសាលាច្បាប់ School of Law in Delaware សហរដ្ឋអាមេរិក និងសញ្ញាបត្របណ្ឌិតផ្នែកទស្សនវិជ្ជាពី Bond University នៃសាលាច្បាប់ School of Law in Queensland ប្រទេសអូស្ត្រាលី។