របាយការណ៍ឥណទានផ្ទាល់ខ្លួន
របាយការណ៍ឥណទានផ្ទាល់ខ្លួន គឺជារបាយការណ៍ ដែលបង្ហាញពីប្រវត្តិនៃការសងត្រលប់របស់ បុគ្គលម្នាក់ៗទៅកាន់ស្ថាប័នធនាគារ ឬស្ថាប័នហិរញ្ញវត្ថុណាមួយ។
អ្នកផ្តល់ឥណទាននីមួយៗ នឹងធ្វើការត្រួតពិនិត្យប្រវត្តិឥណទានរបស់អតិថិជន មុនសំរេចផ្ដល់នូវឥណទាន។ ក្នុងករណីនេះ បើប្រវត្តិនៃការសងត្រលប់ល្អ នោះនឹងផ្ដល់ភាពងាយស្រួល ដល់លោកអ្នកដើម្បីទទួលបាននូវឥណទានផងដែរ។ ទាំងនេះជាមូលហេតុដែលអតិថិជនគួតែស្នើសុំរបាយការណ៍ឥណទានសម្រាប់ធ្វើការត្រួតពិនិត្យ។ វាអាស្រ័យទៅលើលោកអ្នក នៅក្នុងការសម្រេចចិត្តដើម្បីឆែករបាយការណ៍ផ្ទាល់ខ្លួន និងបន្តទៅធ្វើការស្នើសុំកែប្រែព័ត៌មានប្រសិនបើមានកំហុសឆ្គងដែរឬទេ។
អត្ថប្រយោជន៍៖
- មានលទ្ធភាព ក្នុងការដាក់ពាក្យបណ្តឹងលើព័ត៌មានមិនត្រឹមត្រូវ លើរបាយការណ៍ឥណទាន
- អាចស្វែងយល់ពីរបាយការណ៍ឥណទាន និងកម្រិតហានិភ័យរបស់ខ្លួន
- ដឹងពីកត្តា ដែលជះឥទ្ធិពល ដល់ការវាយតម្លៃឥណទានរបស់ខ្លួន
- ទទួលបានការសម្រេចចិត្តពីស្ថាប័នឥណទានទៅលើការស្នើសុំឥណទានបានលឿន
របៀបស្នើសុំរបាយការណ៍ឥណទានៈ
- សម្រាប់ស្ថាប័នហិរញ្ញវត្ថុ ពួកគេអាចទទួលបានរបាយការណ៍ឥណទានរបស់អ្នកខ្ចីប្រាក់តាមរយៈប្រព័ន្ធស្វែងរកទិន្នន័យដោយខ្លួនឯងរបស់ការិយាល័យឥណទាន។
- ទម្រង់ស្នើសុំរបាយការណ៍ឥណទានត្រូវតែផ្តល់មុនពេលឆែកប្រវត្តិរូបបុគ្គលណាមួយ
- ប្រជាពលរដ្ឋទូទៅអាចមកកាន់ការិយាល័យឥណទានដើម្បីស្នើសុំរបាយការណ៍ឥណទានរបស់ពួកគេ
- ភ្ជាប់មកជាមួយលិខិតសំគាល់ខ្លួនដែលនៅមានសុពលភាព ដូចជាអត្តសញ្ញាណប័ណ្ណ លិខិតឆ្លងដែន ដើម្បីបញ្ជាក់ពីអត្តសញ្ញាណរបស់អ្នក។
គំរូរបាយការណ៍ឥណទានផ្ទាល់ខ្លួន <<ចុចទីនេះ!>>
“លោកអ្នក អាចធ្វើការស្នើសុំរបាយការណ៍ឥណទានដោយឥតគិតថ្លៃចំនួន ១ដង ក្នុង១ឆ្នាំ ពីការិយាល័យឥណទានកម្ពុជា។”
សេវាពិនិត្យសុខភាពហិរញ្ញវត្ថុ
សេវាពិនិត្យសុខភាពហិរញ្ញវត្ថុ គឺជាសេវាកម្មមួយរបស់ CBC ដែលអនុញ្ញាតឱ្យប្រជាពលរដ្ឋទូទៅ អាចពិនិត្យមើលរបាយការណ៍ឥណទាន ឬ លទ្ធភាពក្នុងការប្រើប្រាស់ឥណទាន ដោយខ្លួនឯងតាមរយៈភ្នាក់ងារដៃគូររបស់ CBC។
