របាយការណ៍ឥណទានអតិថិជន

ដំណោះស្រាយសម្រាប់អាជីវកម្ម

របាយការណ៍ឥណទានអតិថិជន

របាយការណ៍ឥណទានអតិថិជន គឺជារបាយការណ៍ ដែលបង្ហាញពីប្រវត្តិនៃការសងត្រលប់របស់បុគ្គលម្នាក់ៗ មកកាន់ធនាគារ ឬស្ថាប័នហិរញ្ញវត្ថុណាមួយ។

ស្ថាប័នហិរញ្ញវត្ថុដែលជាសមាជិករបស់ការិយាល័យឥណទាន អាចធ្វើការត្រួតពិនិ្តយរបាយការណ៍ឥណទានរបស់អ្នកសើ្នសុំឥណទានដោយផ្ទាល់តាមរយៈប្រព័ន្ធរបស់ស៊ីប៊ីស៊ី។ ប៉ុន្តែត្រូវមានទំរង់បែបបទដែលអនុញ្ញាតិអោយពិនិត្យដោយអតិថិជន ដើម្បីអាចធ្វើការស្នើសុំឆែករបាយការណ៍ឥណទានអតិថិជនបាន។

តើមានអ្វីខ្វះដែលបង្ហាញលើរបាយការណ៍ឥណទាន?

ព័ត៌មានប្រជាសាស្រ្ត៖ ព័ត៌មានទូទៅដែលសម្គាល់ខ្លួនលោកអ្នក ដូចជា ឈ្មោះរបស់លោកអ្នក ភេទ ស្ថានភាពគ្រួសារ ថ្ងៃខែឆ្នាំកំណើត ទីកន្លែងកំណើត និងសញ្ជាតិ។
ប្រវត្តិសង្ខេប៖ ប្រវត្តិសង្ខេបនៃការធ្វើការពិនិត្យរបាយការណ៍ឥណទាន និងចំនួនគណនីរបស់លោកអ្នកនៅស្ថាប័នផ្សេងៗ, ចំនួនទឹកប្រាក់សរុបដែលអនុញ្ញាតិអោយប្រើប្រាស់ និងឥណទានដែលមានសម្រាប់គណនីផ្ទាល់ខ្លួន និងអ្នកធានា។
ការពិនិត្យរបាយការណ៍ឥណទានពីមុន៖ បង្ហាញតារាងស្ថាប័នហិរញ្ញវត្ថុដែលបានធ្វើការឆែកព័ត៌មានលោកអ្នក។
ព័ត៌មានលម្អិតពីគណនី: បង្ហាញព័ត៌មានគណនីឥណទាននានាទាំងគណនីដែលនៅប្រើប្រាស់ និងគណនីដែលបានបិទនៅស្ថាប័នជាដៃគូ CBC។
ព័ត៌មានការងារ: បង្ហាញអំពីប្រភេទការងាររបស់លោកអ្នកដូចជា ទីកន្លែងការងារ មុខតំណែង និងប្រាក់ខែ។

អត្ថប្រយោជន៍៖

ជួយដល់ការវាយតម្លៃហានិភ័យឥណទាន:

ចំនុចចាប់ផ្ដើមនៃការទទួលបានអត្ថប្រយោជន៍ពីការយល់ដឹងរបាយការណ៍ឥណទានគឺបានមកពីភាពប្រាកដថា វានឹងធ្វើអោយការវាយតម្លៃហានិភ័យឥណទានកាន់តែសុក្រិត។ អត្ថប្រយោជន៍ទាំងនេះបានមកពីភាពប្រសើឡើងនៃការវាយតំលៃឥណទានដោយរួមមាន ការបន្ថយអត្រាផ្តល់ឥណទានអោយអ្នកមានបំណុលវ័ណ្ណករ និងអ្នកដែលមានឥណទានខូច ការប្រកួតប្រជែងប្រសើរជាងមុននៅក្នុងទីផ្សារ និងឥណទានធូថ្លៃជាងមុន។ ឧទាហរណ៏៖ វាត្រូវបានគេនិយាយថា ការដាក់អោយប្រើប្រាស់របាយការណ៍ឥណទាន នឹងបង្កើនលទ្ធភាពរបស់អ្នកផ្តល់ឥណទានដើម្បីបែងចែកឱ្យបានល្អប្រសើររវាងអតិថិជនល្អ និងអតិថិជនមិនល្អ ហើយបន្ថយអត្រានៃការមិនសងត្រឡប់ និងបង្កើនទំហំឥណទានដែលអាចផ្តល់ជូនអតិថិជនដែលមានប្រវត្តខ្ចីល្អ។

បង្កើតអោយមានការប្រកួតប្រជែង និងប្រសិទ្ធិភាព

របាយការណ៍ឥណទានក៏ត្រូវបានលើកឡើងផងដែរថា វាប្រើដើម្បីលើកកម្ពស់ការប្រកួតប្រជែងក្នុងទីផ្សារឥណទាន។ ក្នុងចំណោមរឿងផ្សេងទៀត ការប្រកួតប្រជែងកាន់តែច្រើនអាចមានន័យថាការទទួលបានឥណទានងាយស្រួលជាងមុន ហើយអាចក្នុងតម្លៃទាបដោយសារវាកាត់បន្ថយចំណាយប្រតិបត្តិការដែលពាក់ព័ន្ធនឹងការវាយតម្លៃតាមកម្មវិធីឥណទាន។ វាលើកកម្ពស់ការប្រកួតប្រជែងក្នុងទីផ្សារឥណទានដោយកាត់បន្ថយរបាំងព័ត៌មាន សម្រាប់អ្នកផ្តល់ឥណទានខ្នាតតូចឬថ្មី។

ឥណទានដែលអាចជឿជាក់បាន

ការយល់ច្បាស់អំពីរបាយការណ៏ឥណទាន ក៏ផ្តោតទៅលើតួនាទីផ្សេងៗដែលវាអាចធ្វើបាន ក្នុងការកាត់បន្ថយអត្រាកើនឡើងនៃឥណទានខូច និងជួយដល់ដំណើការផ្តល់ឥណទានដែលល្អអាចជឿជាក់បាន។ ការផ្ដល់ឥណទានអាចត្រូវបានកំណត់តាមវិធីផ្សេងៗគ្នានិងត្រូវបានបង្ហាញ នៅក្នុងគោលការណ៏ និងការអនុវត្តន៍របស់ស្ថាប័នហិរញ្ញវត្ថុនីមួយៗ។ កាតព្វកិច្ចជាមូលដ្ឋាននៃការផ្តល់ឥណទានដែលអាចជឿជាក់បាន រួមមានអ្នកផ្តល់ឥណទានគួរតែផ្តល់ដល់អតិថិជនដែលមានលទ្ធភាពសងត្រលប់វិញ បាន ជួយបង្ការបំណុលវ័ណ្ណករ និង ផ្ដល់សេវាកម្មដល់អតិថិជនប្រកបដោយទំនួលខុសត្រូវ។ ការិយាល័យឥណទានផ្តល់លទ្ធភាពដល់ស្ថាប័នហិរញ្ញវត្ថុដើម្បីឱ្យមាន ការយល់ដឹងកាន់តែច្បាស់អំពីឥណទានដែលមានស្រាប់ ជាជាងការពឹងផ្អែកលើព័ត៌មានដែលអតិថិជនឥណទានដើម្បីប្រាប់ពីគោល បំណងនៅក្នុងពាក្យស្នើសុំឥណទាន ដែលអ្នកស្នើសុំឥណទានតែងតែមិនបានបង្ហាញអំពីព័ត៌មានពេញលេញ។

ប្រព័ន្ធវាយតម្លៃអចលនទ្រព្យឌីជីថល

ប្រព័ន្ធវាយតម្លៃអចលនទ្រព្យឌីជីថល គឺជាសេវាកម្មវាយតម្លៃអចលនទ្រព្យដែលមានមូលដ្ឋានលើការវិភាគទិន្នន័យ និងបច្ចេកវិទ្យាឌីជីថល ដែលការវាយតម្លៃអចលនទ្រព្យត្រូវបានធ្វើឡើងដោយផ្អែកលើតម្លៃទីផ្សារ និងតម្លៃមតិផ្សេងទៀតទាក់ទងនឹងប្រភេទអចលនទ្រព្យតាមកាលបរិច្ឆេទច្បាស់លាស់ដោយមិនចាំបាច់ទៅត្រួតពិនិត្យនៅទីតាំងជាក់ស្ដែង។

ផែនទីហានិភ័យឥណទាន

ផែនទីហានិភ័យឥណទាន គឺជាដំណោះស្រាយដ៏ឆ្លាតវៃមួយ ដែលបង្កើតឡើងក្នុងទម្រង់ជា ផែនទីអន្តរកម្ម និងរស់រវើក សម្រាប់ស្ថាប័នហិរញ្ញវត្ថុជាសមាជិកទាំងអស់ ក្នុងការតាមដានកម្រិតហានិភ័យឥណទាន នៅតាមទីតាំងភូមិសាស្ត្រជាច្រើន ដោយអាចកំណត់សម្គាល់លើ ហានិភ័យឥណទានក្នុងវិស័យរបស់ខ្លួនដោយផ្អែកលើទិន្នន័យ ពីទីតាំងមួយទៅទីតាំងមួយទៀត បានយ៉ាងងាយស្រួល។

ដំណោះស្រាយសម្រាប់អាជីវកម្ម