សេវាវិភាគទិន្នន័យ

សេវាវិភាគទិន្នន័យគឺជាទម្រង់របាយការណ៍ឆ្លាតវៃមួយដែលអនុញ្ញាតឲ្យសមាជិកទាំងអស់ អាចត្រួតពិនិត្យយ៉ាងច្បាស់លាស់ទៅលើប្រតិបត្តិការរបស់ពួកគេដោយប្រៀបធៀបទៅនឹងវិស័យទាំងមូល។ របាយការណ៍នេះមាន៥ផ្នែកធំៗ៖

ការគ្រប់គ្រងអតិថិជនថ្មី៖ ពង្រឹងគុណភាពអតិថិជនថ្មី ដើម្បីពង្រីកសំពៀតឥណទានរបស់អ្នក។
ការគ្រប់គ្រងគណនីឥណទាន៖ ស្វែងយល់ស៊ីជម្រៅលើការគ្រប់គ្រងគុណភាពសំពៀតឥណទានទាំងមូលរបស់អ្នក។
ការគ្រប់គ្រងគណនីឥណទានយឺតយ៉ាវ៖ តាមដានគុណភាពសំពៀតឥណទាន ដើម្បីកាត់បន្ថយហានិភ័យ។
ការគ្រប់គ្រងការប្រមូលឥណទាន៖ ពង្រីកលទ្ធភាពក្នុងការស្វែងរកមធ្យោបាយថ្មីៗ ក្នុងការកែលម្អការប្រមូលឥណទាន។
ការគ្រប់គ្រងការថែរក្សាអតិថិជន៖ កាត់បន្ថយអត្រាបោះបង់ការបន្តប្រើប្រាស់សេវាពីអតិថិជន និងលើកកំពស់យុទ្ធសាស្ត្រគាំពារអតិថិជន។

អត្ថប្រយោជន៍៖

មានភាពងាយស្រួលក្នុងការតាមដាននូវដំណើរការគ្រប់គ្រងឥណទានរបស់ស្ថាប័នខ្លួននៅក្នុងរង្វង់ដៃ ដោយធៀបទៅនឹងវិស័យទាំងមូល
យល់ច្បាស់ពីស្ថាប័នរបស់ខ្លួន ក្នុងការទាក់ទាញអតិថិជនថ្មីៗពីដៃគូប្រកួតប្រជែង
តាមដានព័ត៍មានលម្អិតពិស្ថានភាពលូតលាស់នៃផលិតផលនីមួយៗ ប្រៀបធៀបទៅនឹងវិស័យទាំងមូល
ទទួលបាននូវទស្សនៈសំខាន់ៗ ពាក់ព័ន្ធនឹងទំនោរប្រែប្រួលនៃទីផ្សារផលិតផលថ្មីៗ ដែលស្ថាប័នខ្លួនពុំទាន់មាននៅលើទីផ្សារ ដែលព័ត៌មានទាំងអស់នេះនឹងដើរតួយ៉ាងសំខាន់ក្នុងយុទ្ធសាស្រ្តអភិវឌ្ឍផលិតផលថ្មី។

ពង្រឹងសក្តានុពលរបស់អ្នកតាមរយៈរបាយការណ៍វិភាគទិន្នន័យដ៏ឆ្លាតវៃឥឡូវនេះ!

ប្រព័ន្ធវាយតម្លៃអចលនទ្រព្យឌីជីថល

ប្រព័ន្ធវាយតម្លៃអចលនទ្រព្យឌីជីថល គឺជាសេវាកម្មវាយតម្លៃអចលនទ្រព្យដែលមានមូលដ្ឋានលើការវិភាគទិន្នន័យ និងបច្ចេកវិទ្យាឌីជីថល ដែលការវាយតម្លៃអចលនទ្រព្យត្រូវបានធ្វើឡើងដោយផ្អែកលើតម្លៃទីផ្សារ និងតម្លៃមតិផ្សេងទៀតទាក់ទងនឹងប្រភេទអចលនទ្រព្យតាមកាលបរិច្ឆេទច្បាស់លាស់ដោយមិនចាំបាច់ទៅត្រួតពិនិត្យនៅទីតាំងជាក់ស្ដែង។

ផែនទីហានិភ័យឥណទាន

ផែនទីហានិភ័យឥណទាន គឺជាដំណោះស្រាយដ៏ឆ្លាតវៃមួយ ដែលបង្កើតឡើងក្នុងទម្រង់ជា ផែនទីអន្តរកម្ម និងរស់រវើក សម្រាប់ស្ថាប័នហិរញ្ញវត្ថុជាសមាជិកទាំងអស់ ក្នុងការតាមដានកម្រិតហានិភ័យឥណទាន នៅតាមទីតាំងភូមិសាស្ត្រជាច្រើន ដោយអាចកំណត់សម្គាល់លើ ហានិភ័យឥណទានក្នុងវិស័យរបស់ខ្លួនដោយផ្អែកលើទិន្នន័យ ពីទីតាំងមួយទៅទីតាំងមួយទៀត បានយ៉ាងងាយស្រួល។

ដំណោះស្រាយសម្រាប់អាជីវកម្ម