សេវាតាមដានឥណទាន
ការទាញយករបាយការណ៍ឥណទានផ្ទាល់ខ្លួនរបស់បុគ្គលម្នាក់ៗ និង ខេ ស្ករ ដើម្បីទទួលបានព័ត៌មានកំណត់ជាក់លាក់នៃលទ្ធភាពសងឥណទានរបស់អតិថិជន គឺត្រូវបានប្រើប្រាស់យ៉ាងទូលំទូលាយនៅក្នុងទីផ្សារ។ ជាលទ្ធផល គ្រឹះស្ថានហិរញ្ញវត្ថុអាចផ្តល់ឥណទានប្រកបដោយភាពទទួលខុសត្រូវដល់អតិថិជនខ្លួន។ ចំណុចប្រឈមចំបងនោះគឺ របៀបដែលគ្រឹះស្ថានហិរញ្ញវត្ថុអាចធ្វើការត្រួតពិនិត្យអតិថិជនរបស់ខ្លួន ប្រកបដោយប្រសិទ្ធិភាពបានដោយវិធីណា បន្ទាប់ពីឥណទានត្រូវបានផ្តល់រួចរាល់។
ដើម្បីដោះស្រាយបញ្ហាប្រឈមចំបងនេះបាន ការិយាល័យឥណទានកម្ពុជា បានដាក់អោយប្រើប្រាស់នូវសេវាតាមដានឥណទាន សម្រាប់បំពេញនៅចំណុចខ្វះខាត។ វាជាសេវាតាមដានទាន់ពេលវេលាមួយ ដែលអាចអោយស្ថាប័នហិរញ្ញវត្ថុធ្វើការត្រួតពិនិត្យអតិថិជនដែលមានស្រាប់របស់ខ្លួន ដោយផ្អែកលើវិធីសាស្ត្រដែលបានកំណត់។ សេវានេះរួមបញ្ចូលចំនុចសំខាន់ៗចំនួន ១៤ ដូចខាងក្រោម:
- ការឆែកព័ត៌មានឥណទានថ្មី
- ការបង្កើតគណនីថ្មី
- ការបន្ថែមឯកសារសំគាល់ខ្លួនថ្មី
- ការកត់ត្រាថ្មីពីគណនីដែលលុបចោល (write off)
- ការធ្វើបច្ចុប្បន្នភាពលើគណនីដែលលុបចោល (write off)
- គណនីដែលបានបិទ
- ការបង់ប្រាក់ របស់អតិថិជនផ្លាស់ប្តូរពីល្អទៅមិនល្អ (Negative Cycle Change)
- ការបង់ប្រាក់ របស់អតិថិជនផ្លាស់ប្តូរពីមិនល្អទៅល្អ (Positive Cycle Change)
- គណនីអតិថិជនមានសមតុល្យទឹកប្រាក់បង់យឺត (Past Due Balance)
- អតិថិជនបានទូទាត់សមតុល្យទឹកប្រាក់បង់យឺត (Past Due Settlement)
- គណនីអតិថិជនមានសមតុល្យទឹកប្រាក់បង់យឺតប្រែប្រួល (Past Due Change)
- អតិថិជនធ្វើបច្ចុប្បន្នភាពអាស័យដ្ឋានថ្មី
- គណនីអតិថិជនត្រូវបានចាត់ថា្នក់ថា “បាត់បង់” (Loss Account)
- ឥណទានត្រូវបានរៀបចំឡើងវិញ
- ការផ្លាស់ប្ដូរសូចនាករវិធានផ្ដល់ឥណទាន
អត្ថប្រយោជន៍៖
- តាមដានការអនុវត្តរបស់អតិថិជន និងស្ថានភាពឥណទានរបស់ពួកគេ
- អាចគ្រប់គ្រង ការអនុវត្តន៍របស់អតិថិជនបានភ្លាមៗ
- កាត់បន្ថយហានិភ័យ ដោយការត្រៀមទុកជាមុន
- ចំណាយប្រកបដោយប្រសិទ្ធិភាព ក្នុងការត្រួតពិនិត្យអតិថិជនរបស់អ្នក
ប្រព័ន្ធវាយតម្លៃអចលនទ្រព្យឌីជីថល
ប្រព័ន្ធវាយតម្លៃអចលនទ្រព្យឌីជីថល គឺជាសេវាកម្មវាយតម្លៃអចលនទ្រព្យដែលមានមូលដ្ឋានលើការវិភាគទិន្នន័យ និងបច្ចេកវិទ្យាឌីជីថល ដែលការវាយតម្លៃអចលនទ្រព្យត្រូវបានធ្វើឡើងដោយផ្អែកលើតម្លៃទីផ្សារ និងតម្លៃមតិផ្សេងទៀតទាក់ទងនឹងប្រភេទអចលនទ្រព្យតាមកាលបរិច្ឆេទច្បាស់លាស់ដោយមិនចាំបាច់ទៅត្រួតពិនិត្យនៅទីតាំងជាក់ស្ដែង។
ផែនទីហានិភ័យឥណទាន
ផែនទីហានិភ័យឥណទាន គឺជាដំណោះស្រាយដ៏ឆ្លាតវៃមួយ ដែលបង្កើតឡើងក្នុងទម្រង់ជា ផែនទីអន្តរកម្ម និងរស់រវើក សម្រាប់ស្ថាប័នហិរញ្ញវត្ថុជាសមាជិកទាំងអស់ ក្នុងការតាមដានកម្រិតហានិភ័យឥណទាន នៅតាមទីតាំងភូមិសាស្ត្រជាច្រើន ដោយអាចកំណត់សម្គាល់លើ ហានិភ័យឥណទានក្នុងវិស័យរបស់ខ្លួនដោយផ្អែកលើទិន្នន័យ ពីទីតាំងមួយទៅទីតាំងមួយទៀត បានយ៉ាងងាយស្រួល។
របាយការណ៍ឥណទានក្រុមហ៊ុន
របាយការណ៍ឥណទានក្រុមហ៊ុនគឺជាកំណត់ត្រានៃប្រវត្តិនៃការទូទាត់ឥណទានរបស់ក្រុមហ៊ុន (នីតិបុគ្គល)ទៅកាន់ធនាគារនិងស្ថាប័នហិរញ្ញវត្ថុ។
ខេ ស្ករ
ខេ ស្ករ គឺជាលេខតំណាងអោយខ្មែរ ស្ករ ដែលសង្ខេបនូវព័ត៌មានទាំងអស់ នៅក្នុងរបាយការណ៍ ឥណទានទៅជាលេខតំណាងមួយ។
របាយការណ៍ឥណទានអតិថិជន
របាយការណ៍ឥណទានអតិថិជន គឺជារបាយការណ៍ដែលបង្ហាញពីប្រវត្តិ នៃការសងត្រលប់ នៃកម្ចីពីស្ថាប័នហិរញ្ញវត្ថុណាមួយ។
សេវាវិភាគទិន្នន័យ
សេវាវិភាគទិន្នន័យគឺជាទម្រង់របាយការណ៍ឆ្លាតវៃមួយដែលអនុញ្ញាតឲ្យសមាជិកទាំងអស់ អាចត្រួតពិនិត្យយ៉ាងច្បាស់លាស់ទៅលើប្រតិបត្តិការរបស់ពួកគេដោយប្រៀបធៀបទៅនឹងវិស័យទាំងមូល។
សេវាត្រួតពិនិត្យឥណទាន
សេវាត្រួតពិនិត្យឥណទាន គឺជាដំណោះស្រាយដែលជួយសមាជិកទាំងអស់ ក្នុងការត្រួតពិនិត្យរបាយការណ៍ឥណទាន របស់អតិថិជនទាំងអស់...
ដំណោះស្រាយទិន្នន័យ តាមតម្រូវការ
ដំណោះស្រាយទិន្នន័យ តាមតម្រូវការ គឺជាដំណោះស្រាយនៃការវិភាគទិន្នន័យ ដែលបង្កើតឡើងទៅតាមតម្រូវការរបស់អតិថិជន។
