ដំណើរកម្សាន្ដទៅកាន់ក្រុងព្រះសីហនុ រយៈពេលបីថ្ងៃចាប់ពីថ្ងៃទី១៥ ដល់១៧ ខែធ្នូ ឆ្នាំ២០១៧ បានបព្ចាប់ទៅជាមួយនឹងស្នាមញញឹម សាមគ្គីភាព និងបទពិសោធន៍ដ៏រីករាយ។
កម្មវិធីនេះមានការចូលរួមពីថ្នាក់ដឹកនាំ និងបុគ្គលិកទាំងអស់របស់ក្រុមហ៊ុន និងមានការរៀបចំសកម្មភាពជាច្រើនដូចជា ការលេងល្បែងកម្សាន្តជាក្រុម ការចាប់ឆ្នោតផ្សងសំណាង ការថតរូបជុំគ្នា និងសកម្មភាពសប្បាយជាច្រើនផ្សេងទៀត។ក្រុមហ៊ុនយល់ច្បាស់ថា ការបង្កើតអោយមានដំណើរកម្សាន្ដប្រចាំឆ្នាំនេះ អាចជួយអោយទំនាក់ទំនងរវាងបុគ្គលិកទាំងអស់កាន់តែមានភាពស្និទ្ធស្នាល ដែលនាំទៅរកកិច្ចសហការគ្នា កាត់បន្ថយគំលាតនៃការទំនាក់ទំនង ដែលនាំទៅរកលទ្ធផលការងារល្អ និងជាពិសេស ជាការលើកទឹកចិត្តសម្រាប់កិច្ចខិតខំប្រឹងប្រែងសម្រេចផែនការអាជីវកម្ម របស់បុគ្គលិកគ្រប់រូបក្នុងឆ្នាំ២០១៧។
គួបញ្ជាក់ថា ការិយាល័យឥណទានកម្ពុជា គឺជាក្រុមហ៊ុនឯកជនមួយដែលតែងតែយកចិត្តទុកដាក់ចំពោះបុគ្គលិករបស់ខ្លួន។ ក្រុមហ៊ុនតែងតែរៀបចំកម្មវិធីផ្សេងៗសម្រាប់បុគ្គលិកដូចជា វគ្គបណ្ដុះបណ្ដាលដើម្បីពង្រឹងសម្ថភាពបន្ថែម ការលេងកីឡា និងដំណើរកម្សាន្ដជាបន្តបន្ទាប់ទៅកាន់រមណីយដ្ឋានរួមមាន ប្រាសាទអង្គវត្ត ឧទ្យានជាតិគីរីរម្យ និងក្រុងព្រះសីហនុជាដើម។