រាជធានីភ្នំពេញ ថ្ងៃទី 22 ខែវិច្ឆិកា ឆ្នាំ 2016
នៅក្នុងសន្ទស្សន៍ឥណទាន អ្នកប្រើប្រាស់ដែលបានចេញផ្សាយកាលពីថ្ងៃទី 22 ខែវិច្ឆិកា ការិយាល័យឥណទានកម្ពុជា ជូនដំណឹងអំពីការវិវត្តន៍នៃប្រាក់កម្ចីសម្រាប់ត្រីមាសទី 3 ឆ្នាំ2016 ។ បន្ទាប់ពីមានការថយចុះក្នុងត្រីមាសទី 2 ចំនួនការស្នើសុំប្រាក់កម្ចីបានកើនឡើងសារជាថ្មី ទោះបីជាដំណើរការប្រាក់កម្ចីអ្នកប្រើប្រាស់ និងប្រាក់កម្ចីដែលមិនមានដំណើរការនៅតែលក្ខណៈថេរ។
ការស្នើសុំប្រាក់កម្ចីអ្នកប្រើប្រាស់៖ បង្ហាញពីបំណងរបស់អ្នកប្រើប្រាស់ ក្នុងការទទួលប្រាក់កម្ចីក្នុងលក្ខណៈជាហិរញ្ញវត្ថុផ្ទាល់ខ្លួន ឥណទាន ឬអចលនទ្រព្យ
បន្ទាប់ពីមានការថយចុះបន្តិចក្នុងត្រីមាសទី 2 ការស្នើសុំប្រាក់កម្ចីបានចាប់ផ្ដើមកើនឡើងម្ដងទៀត ក្នុងអំឡុងត្រីមាសចុងក្រោយទាំងតួរលេខ (វិវត្តន៍រាល់ត្រីមាស +24% និង -25% ក្នុងត្រីមាសទី 2) និងតម្លៃ (+30% និង -23% ក្នុងត្រីមាសទី 2)។ កំណើននេះជំរុញជាចម្បង ដោយការកើនឡើងខ្ពស់នៃការស្នើសុំប្រាក់កម្ចីអចលនទ្រព្យ (+75%) ទូទាំងប្រទេស ជាពិសេសក្នុងតំបន់ទន្លេសាប (+131%) និងខ្ពង់រាប (+109%) ។ ចំនួននៃការស្នើសុំ ប័ណ្ណឥណទានជាតម្លៃជាចំនួនតែមួយគត់ដែលមានការធ្លាក់ចុះ (-15%) ទោះបីជាចំនួននៃការស្នើសុំប័ណ្ណឥណទានកំពុងកើនឡើង (+33% ក្នុងត្រីមាសទី 3 និង +69% ក្នុងត្រីមាសទី 2)។
ដំណើរការប្រាក់កម្ចីអ្នកប្រើប្រាស់៖ បង្ហាញពីស្ថានភាពប្រាក់កម្ចីអ្នកប្រើប្រាស់ជាក់ស្ដែង ក្នុងត្រីមាសដែលបានរាយការណ៍
ចំនួនគណនី បន្តកើនឡើងក្នុងសង្វាក់ថេរមួយ ជាមួយការកើនឡើងរាល់ត្រីមាសចំនួន 5.31% ក្នុងត្រីមាសទី 3 ។ សមតុល្យប្រាក់កម្ចី ($3.05B) កើនឡើងទ្វេរដងនៃអំឡុងត្រីមាសទី 2 ទោះជាយ៉ាងនេះក្ដី ការបែងចែកក្នុងចំណោមប្រភេទខុសគ្នា នៃប្រាក់កម្ចីនៅតែដដែល៖ សមតុល្យស្ទើរតែត្រូវបានបែងចែកស្មើគ្នារវាងហិរញ្ញវត្ថុផ្ទាល់ខ្លួន និងអចលនទ្រព្យ ទោះបីជាប្រាក់កម្ចីប័ណ្ណឥណទានបង្ហាញ ពីផ្នែកដែលមិនសំខាន់នៃចំនួនសរុប (0.74%)។
គុណភាពប្រាក់កម្ចីអ្នកប្រើប្រាស់៖ ឆ្លុះបញ្ចាំងពីសមត្ថភាពរបស់កូនបំណុល ក្នុងការទូទាត់ឱ្យបានទាន់ថ្ងៃកំណត់
ប្រាក់កម្ចី ដែលមិនមានដំណើរការ – ប្រាក់កម្ចីដែលកូនបំណុលមិនទាន់អាចទូទាត់ ឱ្យបានទាន់ថ្ងៃកំណត់លើសពី 30 ថ្ងៃ (NPL 30) – នៅតែបង្ហាញភាគរយតិច នៃសមតុល្យដល់កំណត់សរុប (1,48%) ។ ការកើនឡើងចំនួននៃ NPL30 ក្នុងតំបន់ឆ្នេរមានកម្រិតទាប (+3%) ដែលធ្វើឱ្យមានការវិវត្តន៍សរុបចំនួន +13% ពី +29% ក្នុងត្រីមាសទី 2 ។ ចំនួននៃអ្នកខ្ចីដែលមានប្រាក់កម្ចី ក្នុងស្ថាប័នច្រើនខុសៗគ្នាបានធ្លាក់ចុះ៖ ពី 19% នៃអ្នកខ្ចីក្នុងត្រីមាសទី 2 ដល់ 18.55% ក្នុងត្រីមាសទី 3 ។
នាយកអភិវឌ្ឍអាជីវកម្ម ការិយាល័យឥណទានកម្ពុជា លោក អឿ សុធារ័ត្ន បានមានប្រសាសន៍ថា “ជារៀងរាល់មួយឆ្នាំម្ដង យើងនឹងឃើញមានកំណើនប្រាក់កម្ចី ក្នុងត្រីមាសទី 1 និងទី 3 និង ថយចុះក្នុងត្រីមាសទី 2 និងត្រីមាសទី 4 ។ នេះអាចដោយសារថ្ងៃឈប់សម្រាកច្រើនក្នុងត្រីមាសទី 2 និងត្រីមាសទី 4 ដែលបានធ្វើឱ្យកំណើនប្រាក់កម្ចីមានការថយចុះ។”