រាជធានីភ្នំពេញ ថ្ងៃទី 14 ខែកុម្ភៈ ឆ្នាំ 2017
យោងតាមរបាយការណ៍ស្ដីពី សន្ទស្សន៍ឥណទានអ្នកប្រើប្រាស់ចុងក្រោយរបស់ CBC បង្ហាញថា ចំនួននៃការស្នើសុំប្រាក់កម្ចីកំពុងបន្ដកើនឡើង នៅក្នុងត្រីមាសទី 4 ឆ្នាំ 2016 ទោះបីជាវាមានទំនោរធ្លាក់ចុះ ក្នុងត្រីមាសទី 4 ធៀបនឹងត្រីមាសទី៣ ក៏ដោយ។ ការស្នើសុំប័ណ្ណឥណទានត្រឡប់មកកំណើនជាធម្មតាវិញ បន្ទាប់ពីមានកំណើនដ៏ខ្លាំងក្នុងត្រីមាសទី 3 ហើយប្រាក់កម្ចីដែលមិនមានដំណើរការ នៅតែរក្សាបានក្នុងកម្រិតទាប និងមានស្ថេរភាព។
ការស្នើសុំប្រាក់កម្ចីអ្នកប្រើប្រាស់៖ បង្ហាញអំពីបំណងរបស់អ្នកប្រើប្រាស់ ក្នុងការទទួលបានឥណទានក្នុង លក្ខណៈជាហិរញ្ញវត្ថុផ្ទាល់ខ្លួន ប័ណ្ណឥណទាន ឬ កម្ចីអចលនទ្រព្យ ។
តាមការអង្កេតប្រចាំឆ្នាំបានបង្ហាញថា មានការធ្លាក់ចុះការស្នើសុំប្រាក់កម្ចីក្នុងត្រីមាសទី 2 និងទី 4។ ក្នុងឆ្នាំនេះ ការស្នើសុំបានបន្ដកើនឡើង (ចំនួនស្នើសុំឥណទានកើនឡើង +13% ហើយទំហំនៃការស្នើសុំឥណទានកើន+1%) ជាមួយនឹងកំណើនស្មើគ្នានៅរវាងការស្នើសុំបីប្រភេទទាំងអស់ដូចជា៖ ហិរញ្ញវត្ថុផ្ទាល់ខ្លួន ប័ណ្ណឥណទាន ឬកម្ចីអចលនទ្រព្យ។ តំបន់ខ្ពង់រាបហាក់បីដូចជាមានលក្ខណៈទៀងទាត់៖ តំបន់នេះបានជួបប្រទះកំណើនដ៏ខ្ពស់ នៃការស្នើសុំប្រាក់កម្ចី (+84% ក្នុងត្រីមាសទី 4 +109% ក្នុងត្រីមាសទី 3) និងជាតំបន់តែមួយគត់ ដែលមានការធ្លាក់ចុះការស្នើសុំប័ណ្ណឥណទាន (-22% ក្នុងត្រីមាសទី 4 ទល់នឹង +96% ក្នុងត្រីមាសទី 3)។
ដំណើរការប្រាក់កម្ចីអ្នកប្រើប្រាស់៖ បង្ហាញអំពីស្ថានភាពប្រាក់កម្ចីជាក់ស្ដែង របស់អ្នកប្រើប្រាស់ដូចបានរាយការណ៍ ក្នុងត្រីមាស។
ចំនួនគណនីកើនឡើងជារៀងរាល់ត្រីមាស ចាប់តាំងពីដើមឆ្នាំ ប៉ុន្ដែកើនឡើងក្នុងសន្ទុះយឺត៖ ពីការប្រែប្រួលក្នុងកម្រិត 11.44% ក្នុងត្រីមាសទី 1 និង 7.86% ក្នុងត្រីមាសទី 2។ បច្ចុប្បន្ននេះ វាកើនឡើងត្រឹមតែ 1.8% ប៉ុណ្ណោះ បើប្រៀបធៀបទៅនឹងត្រីមាសមុន។ ចំនួនសរុបនៃគណនីប្រាក់កម្ចី អ្នកប្រើប្រាស់នៅតែដដែល៖ 679.000 គណនី ដែលមាន 85% ជាហិរញ្ញវត្ថុផ្ទាល់ខ្លួន។
សមតុល្យប្រាក់កម្ចីសរុប (3.16 ប៊ីលានដុល្លារ) ដែលមានកំណើនយ៉ាងលឿន នៅក្នុងក្នុងត្រីមាសទី 3 នៅតែមិនប្រែប្រួលជាមួយនឹងការកើនឡើង 4% ។ វានៅតែត្រូវបានបែងចែករវាងហិរញ្ញវត្ថុផ្ទាល់ខ្លួន (51%) និងប្រាក់កម្ចី (48%) ទោះបីជាប័ណ្ណឥណទាន នៅតែមានចំណែកមួយដ៏តូច។
គុណភាពប្រាក់កម្ចីអ្នកប្រើប្រាស់៖ ឆ្លុះបញ្ចាំងអំពីសមត្ថភាពរបស់កូនបំណុល ក្នុងការទូទាត់តាមថ្ងៃកំណត់។
ទិដ្ឋភាពរបស់ប្រទេសកម្ពុជា នៅតែមិនមានការប្រែប្រួលទាក់ទងទៅនឹងប្រាក់កម្ចី ដែលមិនមានដំណើរការ ដែលជាប្រាក់កម្ចីដែលកូនបំណុល មិនមានលទ្ធភាពទូទាត់តាមថ្ងៃកំណត់លើសពី 30 ថ្ងៃ (NPL30) ។ វាបានកើនឡើងដល់ 1.52% ក្នុងត្រីមាសទី 4 ទល់នឹង 1.48% ក្នុងត្រីមាសទី 3។ ស្ទើរតែ 80% នៃប្រជាជនកម្ពុជា បន្ដប្រើគ្រឹះស្ថានហិរញ្ញវត្ថុតែមួយ ដែលវាបានកាត់បន្ថយហានិភ័យ លើការទូទាត់ប្រាក់ដើម។
លោក អឿ សុធារ័ត្ន ប្រធាននាយកប្រតិបត្តិស្ដីទីរបស់ ការិយាល័យឥណទានកម្ពុជា បានវិភាគយ៉ាងទូលំទូលាយ ដោយមានប្រសាសន៍ថា “នៅពេលដែលយើងក្រឡេកមើលលទ្ធផលចុងក្រោយ ពីតម្លៃប្រចាំឆ្នាំ យើងអាចមើលឃើញថា ការស្នើសុំប្រាក់កម្ចីកើនឡើងទាំងចំនួន (22%) និងតម្លៃ (31%)ក្នុងឆ្នាំ 2016 ប្រៀបធៀបនឹងឆ្នាំ 2015។ សមតុល្យប្រាក់កម្ចីសរុបគិតត្រឹម ខែធ្នូ ឆ្នាំ 2016 ក៏មានការកើនឡើង 32% ផងដែរ ប្រៀបធៀបនឹងឆ្នាំទៅ”។
ក្រុមហ៊ុន ក្រេឌីត ប្យួរ៉ូ ខេមបូឌា គឺជាក្រុមហ៊ុនឈានមុខគេ ក្នុងការផ្តល់នូវសេវាព័ត៌មានហិរញ្ញវត្ថុ ឧបករណ៍វិភាគទិន្នន័យ និង របាយការណ៍ឥណទាន ទៅដល់ស្ថាប័នហិរញ្ញវត្ថុទាំងអស់ នៅក្នុងប្រទេសកម្ពុជា។