សេចក្តីសង្ខេបរបាយការណ៍នៃត្រីមាសទី ៣ ឆ្នាំ ២០២០៖
សមិទ្ធផលឥណទានលក្ខណៈបុគ្គលបានបង្ហាញពីកំណើនទាំងព្រម រួមមានសមតុល្យឥណទាននិងចំនួនគណនីឥណទានដែលមានភាពវិជ្ជមានគួរឲ្យកត់សម្គាល់។ ចំនួននៃពាក្យស្នើសុំឥណទានបុគ្គលបានកើនឡើងទៅគ្រប់ផលិតផលទាំងអស់ និងគ្រប់តំបន់នៅក្នុងត្រីមាសនេះ។ ចំនួនគណនីឥណទានបានកើនឡើងស្ទើរតែគ្រប់តំបន់ទាំងអស់ លើកលែងតែតំបន់ឆ្នេរដែលជាកន្លែងដែលមានការធ្លាក់ចុះ។ ទំហំទឹកប្រាក់នៃឥណទានមិនដំណើរការលើសពី៣០ថ្ងៃ (30+DPD) បានធ្លាក់ចុះនៅគ្រប់តំបន់ទាំងអស់ជាមួយនឹងការធ្លាក់ចុះខ្លាំងនៅតំបន់ទន្លេសាប និងតំបន់ខ្ពង់រាប។
ចំនួននៃពាក្យស្នើសុំឥណទានលក្ខណៈបុគ្គលកើនឡើងជារួម +៥៣%
ចំនួននៃពាក្យស្នើសុំកម្ចីអចលនទ្រព្យកើនឡើង +៨៧%ប្រៀបធៀបនឹងត្រីមាសមុន រួមជាមួយពាក្យស្នើសុំឥណទានសម្រាប់ប្រើប្រាស់ផ្ទាល់ខ្លួន កើនឡើង +៥២% និង +៥០% នៃកម្ចីអចលនទ្រព្យ។
ចំនួនគណនីឥណទានលក្ខណៈបុគ្គលសរុបកើនឡើង +០,២៨% ដែលនាំអោយចំនួនគណនីនៅសល់ ១,២៧ លាន។
សមតុល្យសរុបកើនឡើង +៤,៣៥% ឈានដល់ ៩,១១ ពាន់លានដុល្លារនៅចុងត្រីមាសនេះ។
ឥណទានមិនដំណើរការលើសពី ៣០ថ្ងៃ (30+DPD) មានការធ្លាក់ចុះបន្តិចមកត្រឹម ២,៤២%។ អតិថិជនភាគច្រើននៅតែមានការប្រើប្រាស់កម្ចីតែមួយស្ថាប័ន ហើយមានគណនីឥណទានតែមួយគណនី។
ពាក្យស្នើសុំឥណទានលក្ខណៈបុគ្គល
បង្ហាញអំពីបំណងរបស់អ្នកប្រើប្រាស់ក្នុងការទទួលបានឥណទានក្នុងលក្ខណៈជា ឥណទានសម្រាប់ប្រើប្រាស់ផ្ទាល់ខ្លួន
ប័ណ្ណឥណទាន និង កម្ចីអចលនទ្រព្យ ។
នៅត្រឹមត្រីមាសទី៣ នៃឆ្នាំ២០២០នេះចំនួនអតិថិជនដែលព្យាយាមស្នើសុំឥណទានក្នុងទម្រង់៣ផ្សេងៗគ្នាដូចជា ឥណទានសម្រាប់ប្រើប្រាស់ផ្ទាល់ខ្លួន (Personal Finance) , ប័ណ្ណឥណទាន (Credit Cards) និងកម្ចីអចលនទ្រព្យ (Mortgage) បានកើនឡើងជារួម +៥៣% ។
ទំហំនៃការកើនឡើងខ្លាំងជាងគេគឺការស្នើសុំបើកប័ណ្ណឥណទានដែលកើនឡើងដល់ទៅ +៨៧%,ជាមួយនឹងការកើនឡើងខ្ពស់បំផុត +១៦៥% នៅក្នុងតំបន់ឆ្នេរ។ ការស្នើសុំកម្ចីផ្ទាល់ខ្លួន និង កម្ចីអចលនទ្រព្យមានការកើនឡើងទៅដល់+៥២% និង+៥០% ។
ការផ្លាស់ប្តូរភាគរយនៃប្រាក់កម្ចីដែលបានស្វែងរកតាមរយៈការស្នើសុំឥណទានក៏បានកើនឡើង+៥៧%, ដែលជាចំនួនមួយខ្ពស់ជាងការកើនឡើងក្នុងរយៈពេលដូចគ្នាកាលពីឆ្នាំមុន (ឆ្នាំ ២០១៩ ត្រីមាសទី ៣: ១១%)។ នេះដោយសារតែការកើនឡើងនៃចំនួនពាក្យស្នើសុំគ្រប់ប្រភេទ៖ ប័ណ្ណឥណទាន (+១២៣%) ឥណទានសម្រាប់ប្រើប្រាស់ផ្ទាល់ខ្លួន (+៦១%) និង
កម្ចីអចលនទ្រព្យ (+៣៩%) បើប្រៀបធៀបនឹងត្រីមាសមុន។
ដំណើរការឥណទានលក្ខណៈបុគ្គល
បង្ហាញអំពីទំហំឥណទានលក្ខណៈបុគ្គលនៅបំណាច់ត្រីមាសឆ្លុះបញ្ចាំងពីទីផ្សារឥណទានសកម្ម។
គិតត្រឹមខែកញ្ញា ឆ្នាំ២០២០ ចំនួនគណនីឥណទានលក្ខណៈបុគ្គលមានការកើនឡើងតិចតួច+០,២៨%ពីត្រីមាសមុនដែលធ្វើ
អោយចំនួនគណនីនៅទូទាំងប្រទេសកើនឡើងនៅត្រឹម ១,២៧ លានដុល្លារ។ ក្នុងចំណោមចំនួននេះ៨១,១២% ជាឥណទានសម្រាប់ប្រើប្រាស់ផ្ទាល់ខ្លួនខណៈដែលចំណែកតូចជាងនេះគឺ កម្ចីអចលនទ្រព្យ (១០,៥៨%) និង កម្ចីប័ណ្ណឥណទាន (៨,៣០%)។ ការកើនឡើងនេះត្រូវបានគេមើលឃើញនៅក្នុងតំបន់ចំនួន ៣ នៃព្រះរាជាណាចក្រកម្ពុជា +៣,២%នៅតំបន់ខ្ពង់រាប +០,៧%នៅ តំបន់បឹងទន្លេសាប និង +០,៣% នៅតំបន់ឆ្នេរ បានធ្លាក់ចុះនៃចំនួនគណនីឥណទាន-០,៩%។
ចំណែកឯសមតុល្យឥណទានលក្ខណៈបុគ្គល ក៏បានបន្តកើនឡើងជាលំដាប់ក្នុងកម្រិត+៤,៣៥% គិតត្រឹមពីខែ កញ្ញា
ឆ្នាំ ២០២០។ នៅចុងត្រីមាសនេះសមតុល្យឥណទានលក្ខណៈបុគ្គលចំនួន ៩,១១ ពាន់លានដុល្លារ។
កម្ចីអចលនទ្រព្យមានលើសពីពាក់កណ្តាលនៃសមតុល្យឥណទានលក្ខណៈបុគ្គលសរុប ៥១,៥១% ចំណែកឯ សមតុល្យ
ឥណទានហិរញ្ញវត្ថុផ្ទាល់ខ្លួនមានចំណែក ៤៧,៩០%។ បើទោះបីជា ចំនួនគណនីនៃកម្ចីអចលនទ្រព្យមានចំនួនត្រឹម ១០,៥៨% នៃចំនួនគណនីសរុប, ក៏ប៉ុន្តែចំនួននេះមានទំហំច្រើនជាងពាក់កណ្តាលនៃសមតុល្យឥណទានសរុប។សមតុល្យប័ណ្ណឥណទានមានចំណែកតូចគឺត្រឹមតែ០,៥៨% ប៉ុណ្ណោះ។ និយាយជារួម កំណើនវិជ្ជមាន មាននៅតំបន់ទំនាប +៥,១% តំបន់ឆ្នេរ +៣,៤% តំបន់ខ្ពង់រាប +២,៥%និង តំបន់ទន្លេសាប +១,៥%. ។
គុណភាពឥណទានលក្ខណៈបុគ្គល
បានមកពីអនុបាទនៃគណនីឥណទានជាមួយនឹងការសងយឺត ៣០ ថ្ងៃហួសកាលបរិច្ឆេទកំណត់ ដែលជា30+ DPD។ វាបង្ហាញពីលទ្ធិភាពនៃការបង់សង និង ហានិភ័យនៃការខកខាននៅក្នុងត្រីមាស។
អនុបាទ 30+DPD មានការធ្លាក់ចុះមកត្រឹម ២,៤២% ក្នុងត្រីមាសនេះ ពី២,៦៤%ក្នុងត្រីមាសទី២។ ក្នុងចំណោមផលិតផលទាំងបីនោះ ផលិតផលដែលមាន អនុបាទ ៣០+DPD ខ្ពស់បំផុតគឺ ប័ណ្ណឥណទាន ជាមួយនឹងការកើនឡើងដល់ ៥,២១%។
ចំនួនសមតុល្យឥណទានមិនដំណើរការលើសពី៣០ថ្ងៃ មានការធ្លាក់ចុះជារួម -៥% នៅទូទាំងតំបន់។ កំណើនដែលច្រើនជាងគេនៃចំនួនទឹកប្រាក់ឥណទានមិនដំណើរការលើសពី៣០ថ្ងៃគឺនៅតំបន់ទន្លេសាបនិងតំបន់ខ្ពង់រាបដែលមានការធ្លាក់ចុះ -៧%។
បន្ថែមពីនេះ តំបន់ឆ្នេរ និងតំបន់ទំនាបមានការធ្លាក់ចុះ -៦%និង-៤%។
ចំនួនអតិថិជនដែលមានកម្ចីតែមួយស្ថាប័ននៅតែមានកម្រិតខ្ពស់គឺ៧៣,៩៩%នៃចំនួនអតិថិជនទាំងអស់។ ចំណែកឯអតិថិជនដែលមានកម្ចីច្រើនស្ថាប័ននៅតែមានកម្រិតទាបដដែលត្រឹម ២៦,០១%។
អតិថិជនប្រើប្រាស់ឥណទានលក្ខណៈបុគ្គលដែលមានគណនីចំនួន ១ មាន ៧៣,៩៩% អ្នកមានគណនីឥណទានចំនួន២ មាន ២០,៩២% ហើយអ្នកមានគណនីឥណទានចំនួន៣មាន៤,៤៥% ហើយអ្នកមានគណនីឥណទានចំនួន៣ឬច្រើនមាន ០,៦៤% នៃចំនួនអតិថិជនទាំងអស់។
លោក អឿ សុធារ័ត្ន ប្រធាននាយកប្រតិបត្តិនៃក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌីមានប្រសាសន៍ថា «នៅក្នុងត្រីមាសនេះ
ទីផ្សារឥណទានមានភាពវិជ្ជមាន បន្ទាប់ពីមានការថយចុះការពីត្រីមាសមុន។ លោកបានបន្ថែមថា“ ការកើនឡើងបណ្តាលមកពីកំណើននៃ ពាក្យស្នើសុំឥណទាន និងដំណើរការឥណទាននៅក្នុងទីផ្សារជាលក្ខណៈបុគ្គល ,ទោះបីជាមានការកើនឡើងនៃ
អនុបាទនៃគណនីប្រាក់កម្ចីជាមួយនឹងការសងយឺត ៣០ ថ្ងៃហួសកាលបរិច្ឆេទកំណត់ប៉ុន្តែវានៅតែទាបត្រឹម ២,៤២%នៃគ្រប់តំបន់ទាំងអស់នៃព្រះរាជាណាចក្រកម្ពុជា។
សម្រាប់របាយការលម្អិត សូមចុចទីនេះ។
សម្រាប់ព័ត៌មានបន្ថែម សូមទំនាក់ទំនង
ក្រុមហ៊ុនក្រេឌីត ប្យួរ៉ូ (ខេមបូឌា) ខូ អិលធីឌី
លោក ផៃ សុផល
ទូរសព្ទ៖+855 86 999 760
អ៊ីមែល៖ s.phay@creditbureau.com.kh