នាថ្ងៃទី ៨-៩ ខែកុម្ភៈ ឆ្នាំ ២០១៨ នៅការិយាល័យឥណទានកម្ពុជា មានការរៀបចំវគ្គបណ្ដុះបណ្ដាលស្ដីអំពី “ការបញ្ជូលទិន្នន័យ និង ស្វែងយល់ពីរបាយការណ៍ឥណទាន” សម្រាប់បុគ្គលិកដែលជាសមាជិករបស់ខ្លួនសរុប ៤៦នាក់ ដែលអញ្ជើញមកពី ៤២ ស្ថាប័ន។ វគ្គបណ្ដុះបណ្ដាលនេះផ្ដោតសំខាន់ទៅលើ ការបញ្ជូលទិន្នន័យទៅកាន់ប្រព័ន្ធចែករំលែកព័ត៌មាន ការស្វែងយល់ពីរបាយការណ៍ឥណទាន និងដំណើប្រតិបត្តិការក្នុងប្រព័ន្ធ ដែលប្រកបដោយប្រសិទ្ធភាព។
គោលបំណងនៃការបង្កើតឱ្យមានវគ្គបណុះបណ្ដាលនេះឡើង គឺដើម្បីគាំទ្រទៅដល់សមាជិករបស់ខ្លួន ក្នុងការសម្រេចបានប្រត្តិបត្តិការដែលប្រកបដោយភាពត្រឹមត្រូវ និងកាន់តែមានប្រសិទ្ធភាពខ្ពស់ និងជាផ្នែកមួយជួយពង្រឹងសហប្រត្តិបត្តការ រវាងបុគ្គលិកជំនាញការិយាល័យឥណទាន និងអ្នកអនុវត្តផ្ទាល់ នៅតាមស្ថាប័នសមាជិកទាំងអស់។ បន្ថែមពីលើនេះ ជួយលើកកម្ពស់សម្ថភាពបុគ្គលិកតាមផ្នែកដែលពាក់ព័ន្ធក្នុងការប្រើបា្រស់ប្រព័ន្ធចែករំលែកព័ត៌មានឥណទាន និងយល់ដឹងកាន់តែច្បាស់សម្រាប់ប្រតិបត្តិការប្រចាំថ្ងៃ។
គួរបញ្ជក់ថា៖ ការិយាល័យឥណទានកម្ពុជា តែងបានយកចិត្តទុក្ខដាក់ខ្ពស់ក្នុងការបម្រើសមាជិក និងអតិថិជនរបស់ខ្លួន ជាមួយនឹងប្រព័ន្ធរបាយការណ៍ឥណទានដែលគ្រប់ជ្រុងជ្រោយ និងប្រកបដោយសក្តានុពលភាព ដើម្បីធានាបាននូវសុខភាពឥណទានល្អ នៅតាមស្ថាប័នដែលជាសមាជិក នៅទូទាំងប្រទេស។ មិនតែប៉ុណ្ណោះ ក្រុមហ៊ុនបានបង្កើតដំណោះស្រាយអាជីវកម្មថ្មីៗបន្ថែម ដែលអាចជួយកាត់បន្ថយកម្រិតហានិភ័យ និងជួយបង្កើនប្រសិទ្ធភាពប្រតិបត្តិការ តាមរយៈសមត្ថភាពប្រព័ន្ធវិភាគទិន្នន័យស្វ័យប្រវត្តិ និងតាមការវិភាគដោយក្រុមជំនាញការរបស់ក្រុមហ៊ុនផ្ទាល់។