របាយការណ៍ឥណទានក្រុមហ៊ុន

របាយការណ៍ឥណទានក្រុមហ៊ុនគឺជាកំណត់ត្រានៃប្រវត្តិនៃការទូទាត់ឥណទានរបស់ក្រុមហ៊ុន (នីតិបុគ្គល)ទៅកាន់ធនាគារនិងស្ថាប័នហិរញ្ញវត្ថុ។

អត្ថប្រយោជន៍ចំពោះក្រុមហ៊ុន(នីតិបុគ្គល):

យល់ដឹងអំពីប្រវតិ្តនៃការប្រើប្រាស់ឥណទានអាជីវកម្មរបស់ក្រុមហ៊ុនផ្ទាល់
ត្រៀមខ្លួនអោយបានរួចរាល់នៅពេលមានតម្រូវការកម្ចីអាជីវកម្មថ្មី
អាចផ្ទៀងផ្ទាល់ព័ត៌មានឥណទាន និង អាចស្នើសុំកែតម្រូវព័ត៌មានដែលមិនត្រឹមត្រូវ

អត្ថប្រយោជន៍ដល់ស្ថាប័នផ្តល់កម្ចី:

ស្វែងយល់ពីប្រវត្តិឥណទាននិងប្រវត្តិនៃការបង់ប្រាក់របស់ក្រុមហ៊ុន(នីតិបុគ្គល)នៅពេលដាក់ពាក្យស្នើសុំប្រាក់កម្ចីអាជីវកម្ម
ធ្វើការសម្រេចចិត្តបានលឿន និងកាន់តែជឿទុកចិត្តបន្ថែមទៀតតាមរយៈការកាត់បន្ថយហានិភ័យឥណទាន
បញ្ជៀសការផ្តល់ប្រាក់កម្ចីដល់ក្រុមហ៊ុនដែលមានកម្ចីច្រើនស្ថាប័នរួចហើយ

តើមានព័ត៌មានអ្វីខ្លះនៅក្នុងរបាយការណ៍ឥណទានក្រុមហ៊ុន?

ប្រវត្តិក្រុមហ៊ុន៖ ព័ត៌មានទូទៅនៃក្រុមហ៊ុន ដូចជាឈ្មោះក្រុមហ៊ុន លេខចុះបញ្ជី កាលបរិច្ឆេទចុះបញ្ជីពាណិជ្ជកម្ម និងអាសយដ្ឋាន ជាដើម។
ព័ត៌មានឥណទានសង្ខេប៖ សង្ខេបនៃការស្នើសុំឥណទាន ចំនួនគណនីឥណទានចម្បង ទឹកប្រាក់ឥណទានដែលបានខ្ចីសរុប និងគណនីឥណទានដែលធានាដោយក្រុមហ៊ុន។
ការពិនិត្យរបាយការណ៍ឥណទានពីមុន៖ បង្ហាញតារាងស្ថាប័នហិរញ្ញវត្ថុដែលបានធ្វើការឆែករបាយការណ៍ឥណទានរបស់ក្រុមហ៊ុន
ព័ត៌មានលម្អិតពីគណនី៖ ព័ត៌មានលំអិតនៃគណនីឥណទានពាណិជ្ជកម្មទាំងអស់របស់ក្រុមហ៊ុន។
ពត៌មានភាគទុនិក៖ ព័ត៌មានរបស់ភាទុនិករបស់ក្រុមហ៊ុន ដូចជា ភាគរយនៃភាគហ៊ុនដែលកាន់កាប់ កាលបរិច្ឆេទតែងតាំង អាសយដ្ឋាន និងព័ត៌មានផ្សេងៗទៀត។

សម្រាប់ព័ត៌មានបន្ថែម សូមចុចទីនេះ ដើម្បីទាញយកគម្រូនៃរបាយការណ៍ឥណទានក្រុមហ៊ុន។

សម្រាប់ខិតប័ណ្ណ សូមចុចទីនេះ។

ប្រព័ន្ធវាយតម្លៃអចលនទ្រព្យឌីជីថល

ប្រព័ន្ធវាយតម្លៃអចលនទ្រព្យឌីជីថល គឺជាសេវាកម្មវាយតម្លៃអចលនទ្រព្យដែលមានមូលដ្ឋានលើការវិភាគទិន្នន័យ និងបច្ចេកវិទ្យាឌីជីថល ដែលការវាយតម្លៃអចលនទ្រព្យត្រូវបានធ្វើឡើងដោយផ្អែកលើតម្លៃទីផ្សារ និងតម្លៃមតិផ្សេងទៀតទាក់ទងនឹងប្រភេទអចលនទ្រព្យតាមកាលបរិច្ឆេទច្បាស់លាស់ដោយមិនចាំបាច់ទៅត្រួតពិនិត្យនៅទីតាំងជាក់ស្ដែង។

ផែនទីហានិភ័យឥណទាន

ផែនទីហានិភ័យឥណទាន គឺជាដំណោះស្រាយដ៏ឆ្លាតវៃមួយ ដែលបង្កើតឡើងក្នុងទម្រង់ជា ផែនទីអន្តរកម្ម និងរស់រវើក សម្រាប់ស្ថាប័នហិរញ្ញវត្ថុជាសមាជិកទាំងអស់ ក្នុងការតាមដានកម្រិតហានិភ័យឥណទាន នៅតាមទីតាំងភូមិសាស្ត្រជាច្រើន ដោយអាចកំណត់សម្គាល់លើ ហានិភ័យឥណទានក្នុងវិស័យរបស់ខ្លួនដោយផ្អែកលើទិន្នន័យ ពីទីតាំងមួយទៅទីតាំងមួយទៀត បានយ៉ាងងាយស្រួល។

ដំណោះស្រាយសម្រាប់អាជីវកម្ម